Vísitala íbúðaverðs á höfuðborgarsvæðinu lækkaði um 1,0% í febrúar samkvæmt nýbirtum tölum Þjóðskrár Íslands. Þetta er mesta lækkun sem hefur sést milli mánaða síðan í desember 2010 þegar íbúðaverð lækkaði um 1,2% milli mánaða. Vísitala íbúðaverðs mælir breytingu á íbúðaverði samkvæmt þinglýstum kaupsamningum á höfuðborgarsvæðinu hverju sinni.
Árshækkun íbúðaverðs mælist nú 3,7% sem er minnsta 12 mánaða hækkun sem hefur mælst síðan í maí 2011. Fjölbýli á höfuðborgarsvæðinu lækkaði um 1% milli janúar og febrúar og sérbýli ögn meira eða um 1,2%.
Hafa verður í huga að töluvert flökt getur verið á mælingum milli mánaða. Bæði vegna þess að tegundir þeirra fasteigna sem ganga kaupum og sölum eru ólíkar en vísitala íbúðaverðs tekur eingöngu tillit til stærðar og þess hvort um er að ræða fjölbýli eða sérbýli. Ekki er tekið tillit til þess hvort um nýbyggingu er að ræða eða ekki.
Athuganir Íbúðalánasjóðs á verðbreytingum með vísitölu paraðra viðskipta, þar sem viðskipti með nýbyggingar eru ekki tekin með, hafa áður bent til þess að hækkanir á íbúðaverði kynnu að vera ofmetnar. Niðurstaðan í þessum staka mánuði nú sem sýnir lækkun milli mánaða gæti skýrst af því að hluti þess ofmats sé að ganga tilbaka.
Mikið hefur verið fjallað um aukið magn af nýbyggingum til sölu og gæti aukið vægi þeirra á markaði orsakað meira flökt á verðbreytingum milli mánaða þar sem gera má ráð fyrir því að fermetraverð sé hærra í nýbyggingum og getur mikil sala þeirra í einum mánuði til þess næsta gæti skekkt vísitöluna. Hafi hlutfall nýbygginga verið meira í janúar en í febrúar gæti það til að mynda skýrt þessa lækkun að hluta.
Árshækkun íbúðaverðs mælist nú 3,7% sem er minnsta 12 mánaða hækkun sem hefur mælst síðan í maí 2011. Fjölbýli á höfuðborgarsvæðinu lækkaði um 1% milli janúar og febrúar og sérbýli ögn meira eða um 1,2%.
Hafa verður í huga að töluvert flökt getur verið á mælingum milli mánaða. Bæði vegna þess að tegundir þeirra fasteigna sem ganga kaupum og sölum eru ólíkar en vísitala íbúðaverðs tekur eingöngu tillit til stærðar og þess hvort um er að ræða fjölbýli eða sérbýli. Ekki er tekið tillit til þess hvort um nýbyggingu er að ræða eða ekki.
Athuganir Íbúðalánasjóðs á verðbreytingum með vísitölu paraðra viðskipta, þar sem viðskipti með nýbyggingar eru ekki tekin með, hafa áður bent til þess að hækkanir á íbúðaverði kynnu að vera ofmetnar. Niðurstaðan í þessum staka mánuði nú sem sýnir lækkun milli mánaða gæti skýrst af því að hluti þess ofmats sé að ganga tilbaka.
Mikið hefur verið fjallað um aukið magn af nýbyggingum til sölu og gæti aukið vægi þeirra á markaði orsakað meira flökt á verðbreytingum milli mánaða þar sem gera má ráð fyrir því að fermetraverð sé hærra í nýbyggingum og getur mikil sala þeirra í einum mánuði til þess næsta gæti skekkt vísitöluna. Hafi hlutfall nýbygginga verið meira í janúar en í febrúar gæti það til að mynda skýrt þessa lækkun að hluta.
