Vísitala íbúðaverðs á höfuðborgarsvæðinu hækkaði um 0,4% milli mánaða í október samkvæmt nýjum tölum Þjóðskrár Íslands. Vísitala íbúðaverðs hefur nú hækkað um 4,1% undanfarna 12 mánuði, samanborið við 3,9% hækkun í september frá sama mánuði árið áður.
Raunverð íbúða, þ.e. vísitala íbúðaverðs í hlutfalli við vísitölu neysluverðs, lækkaði um -0,2% milli september og október en undanfarna 12 mánuði hefur það hækkað um 1,3%.
Verð fjölbýlis hækkaði um 0,7% milli september og október en sérbýli lækkaði um -0,6% milli mánaða. 12 mánaða hækkunartaktur sérbýlis mælist nú um 3,5%, samanborið við 4,4% í september. Verð fjölbýlis hefur nú hækkað um 4,1% frá október í fyrra, en 12 mánaða hækkun mældist í þeim flokki um 3,4% í september. Eins og sést á myndinni hér að neðan hefur 12 mánaða hækkunartaktur sérbýlis og fjölbýlis því nú snúist við, en fram til októbermánaðar hafði árleg hækkun sérbýlis verið hærri en fjölbýlis síðan í júlí á síðasta ári.
594 kaupsamningum um íbúðir á höfuðborgarsvæðinu var þinglýst í október. Á fyrstu 10 mánuðum ársins 2018 var samtals 6.163 kaupsamningum þinglýst á svæðinu sem er 9,1% aukning í fjölda samninga frá sama tímabili í fyrra.
Raunverð íbúða, þ.e. vísitala íbúðaverðs í hlutfalli við vísitölu neysluverðs, lækkaði um -0,2% milli september og október en undanfarna 12 mánuði hefur það hækkað um 1,3%.
Verð fjölbýlis hækkaði um 0,7% milli september og október en sérbýli lækkaði um -0,6% milli mánaða. 12 mánaða hækkunartaktur sérbýlis mælist nú um 3,5%, samanborið við 4,4% í september. Verð fjölbýlis hefur nú hækkað um 4,1% frá október í fyrra, en 12 mánaða hækkun mældist í þeim flokki um 3,4% í september. Eins og sést á myndinni hér að neðan hefur 12 mánaða hækkunartaktur sérbýlis og fjölbýlis því nú snúist við, en fram til októbermánaðar hafði árleg hækkun sérbýlis verið hærri en fjölbýlis síðan í júlí á síðasta ári.
594 kaupsamningum um íbúðir á höfuðborgarsvæðinu var þinglýst í október. Á fyrstu 10 mánuðum ársins 2018 var samtals 6.163 kaupsamningum þinglýst á svæðinu sem er 9,1% aukning í fjölda samninga frá sama tímabili í fyrra.
