Fimmtudaginn 27. september boðar Íbúðalánasjóður til opins fundar um stöðu húsnæðismála á Suðurlandi. Fundurinn verður haldinn á Hótel Selfossi milli klukkan 12:00 og 13:00. Boðið verður upp á léttar veitingar og er fundurinn opinn öllum.
Dagskrá:
Sigrún Ásta Magnúsdóttir, deildarstjóri á húsnæðissviði Íbúðalánasjóðs, fer yfir helstu áskoranir sveitarfélaganna á Suðurlandi í húsnæðismálum.
Ólafur Heiðar Helgason, hagfræðingur hjá Íbúðalánasjóði, fer ítarlega yfir stöðu og þróun húsnæðismarkaðarins á Suðurlandi.
Að erindum loknum verður boðið upp á umræður og spjall.
Haukur Ingibergsson, stjórnarformaður Íbúðalánasjóðs, stýrir fundinum.
