Þjóðskrá Íslands birti nýverið upplýsingar um leigumarkaðinn á landsvísu þar sem meðal annars kemur fram hverjir eru leigusalar. Samkvæmt gögnum, sem ná þó ekki til allra leigusamninga, eru einstaklingar um 57% leigusala og fyrirtæki 41% og fjármálastofnanir 2%.
Úrvinnsla Þjóðskrár fyrir árið 2018 byggir á 5.622 leigusamningum sem þinglýst var á tímabilinu 30. júní 2017 til og með 31. júlí 2018. Ekki voru teknir með leigusamningar þar sem herbergjafjöldi íbúða er óþekktur og heldur ekki samningum um félagslegar íbúðir. Einnig var samningum sleppt þar sem einungis hluti íbúðar var í útleigu.
Greiningin gefur góða vísbendingu um stöðu leigumarkaðarins og þróun hans í gegnum tíðina. Við sjáum að fyrirtæki hafa aukið hlutdeild sína á sama tíma og hlutdeild fjármálastofnana og einstaklinga hefur dregist saman. Enn leigja þó flestir leigjendur af einstaklingum.
Fyrir 6 árum síðan voru einstaklingar með 74% hlut, og fyrirtæki og fjármálastofnanir með um fjórðungs hlut. Nú eru einstaklingar um 60% leigusala samkvæmt greiningunni og fyrirtæki um 40%. Fjármálastofnanir eru með hverfandi hlutdeild. Hafa verður þó í huga að ekki eru allir leigusamningar undir heldur einungis þeir sem eru þinglýstir og uppfylla áðurnefndar kröfur.
Í síðustu mánaðarskýrslu sjóðsins kom fram að hlutdeild fyrirtækja meðal kaupenda að íbúðum á höfuðborgarsvæðinu fer minnkandi og er það að einhverju leyti í takt við þessa greiningu sem sýnir að fyrirtæki eru ekki að auka við hlutdeild sína sem leigusalar. Íbúðakaupum á vegum fyrirtækja fjölgaði mjög á seinni hluta árs 2012, sérstaklega í Reykjavík vestan Kringlumýrarbrautar. Á árunum 2013– 2017 stóðu fyrirtæki að baki 17% allra íbúðakaupa á því svæði að jafnaði en á fyrri hluta yfirstandandi árs var þetta hlutfall næstum helmingi minna eða um 10%.
Úrvinnsla Þjóðskrár fyrir árið 2018 byggir á 5.622 leigusamningum sem þinglýst var á tímabilinu 30. júní 2017 til og með 31. júlí 2018. Ekki voru teknir með leigusamningar þar sem herbergjafjöldi íbúða er óþekktur og heldur ekki samningum um félagslegar íbúðir. Einnig var samningum sleppt þar sem einungis hluti íbúðar var í útleigu.
Greiningin gefur góða vísbendingu um stöðu leigumarkaðarins og þróun hans í gegnum tíðina. Við sjáum að fyrirtæki hafa aukið hlutdeild sína á sama tíma og hlutdeild fjármálastofnana og einstaklinga hefur dregist saman. Enn leigja þó flestir leigjendur af einstaklingum.
Fyrir 6 árum síðan voru einstaklingar með 74% hlut, og fyrirtæki og fjármálastofnanir með um fjórðungs hlut. Nú eru einstaklingar um 60% leigusala samkvæmt greiningunni og fyrirtæki um 40%. Fjármálastofnanir eru með hverfandi hlutdeild. Hafa verður þó í huga að ekki eru allir leigusamningar undir heldur einungis þeir sem eru þinglýstir og uppfylla áðurnefndar kröfur.
Í síðustu mánaðarskýrslu sjóðsins kom fram að hlutdeild fyrirtækja meðal kaupenda að íbúðum á höfuðborgarsvæðinu fer minnkandi og er það að einhverju leyti í takt við þessa greiningu sem sýnir að fyrirtæki eru ekki að auka við hlutdeild sína sem leigusalar. Íbúðakaupum á vegum fyrirtækja fjölgaði mjög á seinni hluta árs 2012, sérstaklega í Reykjavík vestan Kringlumýrarbrautar. Á árunum 2013– 2017 stóðu fyrirtæki að baki 17% allra íbúðakaupa á því svæði að jafnaði en á fyrri hluta yfirstandandi árs var þetta hlutfall næstum helmingi minna eða um 10%.
