Íbúðalánasjóður úthlutar stofnframlögum ríkisins til kaupa eða byggingar á almennum íbúðum til útleigu. Markmiðið með veitingu stofnframlaga er að bæta húsnæðisöryggi efnaminni fjölskyldna og einstaklinga með því að auka aðgengi að öruggu íbúðarhúsnæði til leigu. Íbúðalánasjóður býður nú til opins fundar um úthlutun stofnframlaga, föstudaginn 20. apríl milli klukkan 12:00 og 13:00 í höfuðstöðvum Íbúðalánasjóðs að Borgartúni 21.
Farið verður yfir nýjustu úthlutun stofnframlaga og stöðu verkefna sem fengið hafa úthlutun. Einnig verður farið yfir markmið og framgang í einu af þeim verkefnum sem hafa fengið úthlutun.
Dagskrá:
Sigrún Ásta Magnúsdóttir fer yfir nýjustu úthlutun stofnframlaga.
Sigþrúður Guðmundsdóttir, framkvæmdarstýra Samtaka um kvennaathvarf, heldur erindi undir forskriftinni „Okkar eigin veggir – nýtt heimili eftir dvöl í Kvennaathvarfinu“
Við hvetjum alla til að mæta á fundinn en hægt er að skrá sig hér.
