Mánaðarskýrsla Íbúðalánasjóðs kemur nú út í breyttu formi frá því sem verið hefur. Fram til þessa hefur mánaðarskýrslan alfarið einblínt á eignasafn sjóðsins. Í ljósi nýs hlutverks Íbúðalánasjóðs mun mánaðarskýrslan nú og í framtíðinni einnig fjalla um stöðu húsnæðismarkaðarins hér á landi í heild sinni.[1] Fjallað er um fjóra helstu fleti húsnæðismarkaðarins (fasteigna-, leigu-, lána- og byggingamarkaðinn) auk þess sem umfjöllun um eignasafn Íbúðalánasjóðs er áfram á sínum stað.
Samantekt:
-
Vaxandi misvægi á milli þróunar fasteignaverðs og helstu hagstærða.
-
Fasteignaverð hefur hækkað 22 sinnum hraðar en byggingarkostnaður síðastliðna 12 mánuði.
-
Framboð íbúðarhúsnæðis á söluskrá hefur farið ögn vaxandi á undanförnu eftir að hafa náð sögulegu lágmarki í byrjun ársins.
-
Hækkun leiguverðs tekið framúr launaþróun.
-
Skuldir heimilanna vaxa hraðar en þær hafa gert frá 2008.
-
Vaxandi umsvif á byggingamarkaðnum.
-
Vanskil farið áfram lækkandi í útlánasafni Íbúðalánasjóðs.
[1] Íbúðalánasjóður er nú sú stofnun sem ber ábyrgð á framkvæmd húsnæðismála, í stað þess að vera fyrst og fremst lánasjóður.
