Síðari úthlutun stofnframlaga ársins 2016

Íbúðalánasjóður tilkynnti um niðurstöðu síðari úthlutunar stofnframlaga árið 2016 á hádegisverðarfundi þann 6. apríl.

Alls hefur verið úthlutað framlögum til byggingar 509 íbúða vegna ársins 2016 í samræmi við lög sem Alþingi setti síðasta haust. Samtals nema framlögin 2,8 ma króna en heildarkostnaður vegna verkefnanna er margföld sú upphæð.



Leiguheimili eru nýtt húsnæðiskerfi að danskri fyrirmynd sem tryggja mun fólki öruggt langtímahúsnæði á hagstæðum kjörum. Stefnt er að því að nokkur þúsund íbúðir verði í kerfinu innan fárra ára. Skilyrðin til að fá að leigja leiguheimili eru að tekjur og eignir séu í neðstu tveimur tekjufimmtungunum, en undir það falla nú um 31 þúsund skattheimili af 144 þúsund ef miðað er við fólk 25 ára og eldra.

Tveir arkitektar, Ólöf Guðný Valdimarsdóttir og Björn Hallsson, sýndu verkefni sitt á Ísafirði en reist verður nýtt fjölbýlishús í bænum þar sem 11 af 13 íbúðunum verða ódýr leiguheimili en tvær íbúðanna á efstu hæðunum eru yfir 100 m2 íbúðir sem verða seldar á frjálsum markaði. Húsið er gott dæmi um hvernig byggingaraðilar geta blandað saman íbúðum sem flokkast sem leiguheimili og dýrari íbúðum. Þessi útfærsla styður einnig vel við áherslur laganna um félagslega blöndun

Björn Traustason, framkvæmdastjóri Bjargs íbúðafélags kynnti fyrirhugaða uppbyggingu 1.000 leiguheimila í Reykjavík. Um er að ræða eitt stærsta íbúðabyggingarverkefni Íslandssögunnar í einkaframkvæmd sem ekki er framkvæmt í hagnaðarskyni.

Hér að neðan má nálgast erindin sem flutt voru á fundinum.

Dagskrá

Úthlutun stofnframlaga

Laufey L. Sigurðardóttir, verkefnisstjóri stofnframlaga

Húsnæðisáætlanir sveitarfélaga

Sigrún Ásta Magnúsdóttir

Leiguheimili Íbúðafélagsins Bjargs

Björn Traustason, framkvæmdastjóri

Hagkvæmt húsnæði

Ólöf Guðný Valdimarsdóttir og Björn Hallsson