Í dag tóku í gildi breytingar á reglugerð um ÍLS-veðbréf og íbúðabréf, nr. 522/2004, reglugerð þessi er númer 636/2015 með þessari breytingu á reglugerðinni er breyting á lánstíma ÍLS veðbréfanna frá og með deginum í dag og verða þau til allt að 35 ára. Með þessari breytingu verður möguleiki fyrir viðskiptavini Íbúðalánasjóðs að blanda lánstíma. Hámarkslánstími verður þó aldrei lengri en 35 ár.
Einnig verður heimilt að stytta og lengja lán sem eru ekki með uppgreiðslugjaldi.
REGLUGERÐ
um breytingu á reglugerð um ÍLS-veðbréf og íbúðabréf, nr. 522/2004, með síðari breytingum.
1. gr.
Eftirfarandi breytingar verða á 13. gr.:
a. Heiti greinarinnar verður: Skilmálar nýrra ÍLS-veðbréfa.
b. 5. mgr. orðast svo: Lánstími ÍLS-veðbréfs getur verið allt frá 5 árum til 35 ára. Við ákvörðun lánstíma skal leitast við að jafna inn- og útstreymi fjármögnunar og útlána sjóðs-ins auk þess sem líta skal til greiðslugetu skuldara og veðstöðu láns. Stjórn Íbúðalánasjóðs setur nánari reglur um lánstíma og veðstöðu láns.
c. Við greinina bætist ný málsgrein svohljóðandi: Heimilt er að stytta eða lengja lánstíma veð-bréfa þannig að lánstími geti verið allt að 35 árum. Stytting lánstíma er þó ekki heimil ef lántaki hefur undirritað yfirlýsingu skv. 3. mgr. 15. gr. reglugerðar þessarar. Lenging og stytting láns er skilmálabreyting sem er háð samþykki síðari veðhafa og skal henni þinglýst. Stjórn Íbúðalánasjóðs setur nánari reglur um lánstíma veðbréfa og breytingu á honum.
2. gr.
Gildistaka.
Reglugerð þessi, sem sett er með heimild í 21. gr. laga um húsnæðismál, nr. 44/1998, með síðari breytingum, tekur þegar gildi.
