Félags- og húsnæðismálaráðherra hefur skipað Hauk F. Leósson sem varaformann stjórnar Íbúðalánasjóðs.
Haukur er fæddur 30. október 1937. Hann starfaði hjá N. Mancher og Co, Endurskoðun, sem síðar varð PWC, frá 1957 til 1968. Hjá Landsvirkjun starfaði hann við fjárhagsáætlanir og sem aðalbókari frá 1969 til 1984 og frá 1985 til 2005 sem skrifstofustjóri Endurskoðunar hf, sem síðar varð KPMG ehf. Þar starfaði hann við gerð ársreikninga og skattframtala. Haukur var einnig framkvæmdastjóri Húsmúla, fasteignafélags frá 2006 til 2007.
Haukur sat í Innkauparáði Reykjavíkurborgar frá 1998 til 2006. Hann sat einnig í stjórn Frjálsa lífeyrissjóðsins frá 2006 til 2010. Þá sat hann í stjórn AP almannatengsla ehf. frá 2006 til 2009 og í stjórn Orkuveitunnar frá 2006 til 2007.
