Hrund Hafsteinsdóttir hefur beðist lausnar úr stjórn Íbúðalánasjóðs og hefur félags- og húsnæðismálaráðherra skipað Rósu Guðbjartsdóttur í hennar stað sem varaformann stjórnar sjóðsins.
Rósa Guðbjartsdóttir er fædd 29. nóvember 1965 og er stúdent frá Flensborgarskóla og með BA-próf í stjórnmálafræði frá Háskóla Íslands. Hún starfaði sem fréttamaður á Stöð 2 og Bylgjunni 1990 - 1999. Hún var framkvæmdastjóri Styrktarfélags krabbameinssjúkra barna 2001 - 2006. Frá árinu 2006 hefur Rósa setið í bæjarstjórn og bæjarráði Hafnarfjarðar. Hún hefur verið ritstjóri BF-útgáfu (Bókafélagsins) frá 2009. Á árunum 2007 - 2013 var Rósa varaþingmaður og sat m.a. á Alþingi frá 1. október 2008 - 31. desember 2008. Hún hefur verið formaður Styrktarfélags krabbameinssjúkra barna frá 2009 og setið í fagráði Velferðarsjóðs íslenskra barna frá 2001.
