Heildarútlán Íbúðalánasjóðs námu tæpum 1,5 milljörðum króna í ágúst en þar af voru rúmir 1,4 milljarðar króna vegna almennra lána. Til samanburðar námu almenn útlán í ágúst 2011 um 2,3 milljörðum króna. Meðalútlán almennra lána voru um 10,7 milljónir króna í ágúst. Heildarfjárhæð almennra lána fyrstu 8 mánuði ársins er samtals um 8,3 milljarðar króna en var um 15,9 milljarðar króna á sama tímabili 2011.
Árshlutareikningur Íbúðalánasjóðs fyrir árið 2012 var birtur 31. ágúst síðastliðinn. Rekstrarniðurstaða tímabilsins var neikvæð sem nemur 3.109 milljónum króna samanborið við 1.561 milljóna hagnað á sama tímabili fyrra árs. Eigið fé Íbúðalánasjóðs í lok tímabilsins var 6.445 milljónir samanborið við rúmar 9.555 milljónir í árslok 2011. Eiginfjárhlutfall sjóðsins sem reiknað er samkvæmt ákvæðum í reglugerð nr. 544/2004 um Íbúðalánasjóð er 1,4% en var 2,3% í upphafi árs. Hlutfallið er reiknað með sama hætti og eiginfjárhlutfall fjármálafyrirtækja. Langtímamarkmið sjóðsins er að hlutfallið sé yfir 5,0% og viðræður við stjórnvöld miða að því að uppfylla ákvæði reglugerðar.
Rekstrarafkoma fyrir virðisrýrnun er í öllum atriðum í samræmi við samþykkta fjárhagsáætlun ársins. Hreinar rekstrartekjur eru 30% umfram áætlun sem skýrist m.a. af góðum árangri í fjárstýringu, en í heild eru rekstrartekjur 26% umfram áætlun. Rekstrargjöld í heild eru 7% undir áætlun en gera má ráð fyrir að kostnaður vegna stærri verkefna sjóðsins komi fram á síðari árshluta. Áætlun sjóðsins gerði ráð fyrir tapi á fyrri hluta árs að upphæð 1.161 milljón króna.
Alls hefur Íbúðalánasjóður veitt 850 almenn íbúðalán frá áramótum í samanburði við 1.570 lán á sama tímabili í fyrra.
Ávöxtunarkrafa allra flokka íbúðabréfa lækkaði í ágúst. Nam lækkunin 21 – 35 punktum. Frá áramótum hefur ávöxtunarkrafa HFF14 hækkað um 6,48% og krafa HFF24 hækkað um 0,18%. Ávöxtunarkrafa HFF34 hefur lækkað um 0,36% og krafa HFF44 um 0,19% á sama tímabili.
Heildarvelta íbúðabréfa nam 55,7 milljörðum króna í ágúst samanborið við 20,7 milljarða í júlí 2012.
Greiðslur Íbúðalánasjóðs vegna húsbréfa og annarra skuldbindinga námu um 10,2 milljörðum króna í ágúst. Uppgreiðslur námu um 1,3 milljörðum króna.
Árshlutareikningur Íbúðalánasjóðs fyrir árið 2012 var birtur 31. ágúst síðastliðinn. Rekstrarniðurstaða tímabilsins var neikvæð sem nemur 3.109 milljónum króna samanborið við 1.561 milljóna hagnað á sama tímabili fyrra árs. Eigið fé Íbúðalánasjóðs í lok tímabilsins var 6.445 milljónir samanborið við rúmar 9.555 milljónir í árslok 2011. Eiginfjárhlutfall sjóðsins sem reiknað er samkvæmt ákvæðum í reglugerð nr. 544/2004 um Íbúðalánasjóð er 1,4% en var 2,3% í upphafi árs. Hlutfallið er reiknað með sama hætti og eiginfjárhlutfall fjármálafyrirtækja. Langtímamarkmið sjóðsins er að hlutfallið sé yfir 5,0% og viðræður við stjórnvöld miða að því að uppfylla ákvæði reglugerðar.
Rekstrarafkoma fyrir virðisrýrnun er í öllum atriðum í samræmi við samþykkta fjárhagsáætlun ársins. Hreinar rekstrartekjur eru 30% umfram áætlun sem skýrist m.a. af góðum árangri í fjárstýringu, en í heild eru rekstrartekjur 26% umfram áætlun. Rekstrargjöld í heild eru 7% undir áætlun en gera má ráð fyrir að kostnaður vegna stærri verkefna sjóðsins komi fram á síðari árshluta. Áætlun sjóðsins gerði ráð fyrir tapi á fyrri hluta árs að upphæð 1.161 milljón króna.
Alls hefur Íbúðalánasjóður veitt 850 almenn íbúðalán frá áramótum í samanburði við 1.570 lán á sama tímabili í fyrra.
Ávöxtunarkrafa allra flokka íbúðabréfa lækkaði í ágúst. Nam lækkunin 21 – 35 punktum. Frá áramótum hefur ávöxtunarkrafa HFF14 hækkað um 6,48% og krafa HFF24 hækkað um 0,18%. Ávöxtunarkrafa HFF34 hefur lækkað um 0,36% og krafa HFF44 um 0,19% á sama tímabili.
Heildarvelta íbúðabréfa nam 55,7 milljörðum króna í ágúst samanborið við 20,7 milljarða í júlí 2012.
Greiðslur Íbúðalánasjóðs vegna húsbréfa og annarra skuldbindinga námu um 10,2 milljörðum króna í ágúst. Uppgreiðslur námu um 1,3 milljörðum króna.
