Skráning á Húsnæðisþing 2017

Staður: Hilton Reykjavík Nordica, Suðurlandsbraut 2
Stund: Mánudagurinn 16. október 2017 kl. 10.00 - 17.00  

Við bendum á að ekki er innheimt gjald fyrir aðgang að Húsnæðisþingi og ráðstefnugestir geta keypt léttar veitingar á staðnum eða bókað borð á Vox í hádegishléi.

 

Húsnæðisþing 2017

Mánudaginn ­16. október 2017 standa Íbúðalánasjóður og velferðarráðuneytið fyrir fyrsta árlega húsnæðisþinginu hér á landi.  Þingið verður haldið á Hilton Nordica við Suðurlandsbraut á milli 13:00 og 16:30.

Húsnæðisþingið er vettvangur umræðu og samstarfs í húsnæðismálum og mun þátttakendum gefast kostur á að spyrja þá sem koma að stjórnun húsnæðismála á Íslandi spurninga í pallborðsumræðum. Á þinginu verða meðal annars örinnlegg frá fólki sem þekkir húsnæðisvandann af eigin raun og fulltrúum þeirra sem eru að byggja húsnæði í dag. Þá verður fjallað um nýjar húsnæðisáætlanir sveitarfélaga og kynnt verður ný könnun um stöðu fólks á leigumarkaði ásamt fleiru.

Vinnustofur húsnæðisþing - Samstarf og upplýsingamiðlun

Vinnustofur húsnæðisþings hefjast klukkan 10:00 með erindum og panelumræðum sem höfða sérstaklega til þeirra sem vinna að húsnæðismálum.  Fjallað verður nánar um stjórntæki húsnæðismála, bættan aðgang að upplýsingum um byggingarmarkaðinn í gegnum Byggingargátt og hvernig mögulegt er að nýta fjármagn betur í gegnum lækkun byggingarkostnaðar.
 
Húsnæðisþingið hefst svo klukkan 13:00 með opnunarávarpi félags- og jafnréttismálaráðherra.  Hermann Jónasson forstjóri Íbúðalánasjóðs mun í kjölfarið fjalla um stöðu húsnæðismarkaðarins á Íslandi og fara yfir húsnæðisstuðning hins opinberra á Íslandi og til hvaða hópa hann rennur.  

Einnig verður rætt um hvernig sveitarfélög eru að mæta húsnæðisvandanum. Gert er ráð fyrir að húsnæðisþinginu verði slitið kl.16:30.