Bráðamat
Hægt er að reikna hvað hægt er að taka hátt lán og kaupa dýra íbúð miðað við gefnar forsendur um greiðslubyrði á mánuði og eigið fé. 
Þú slærð inn hve mikið þú treystir þér til að greiða á mánuði og eigið fé.
Reiknivélin reiknar út:

• Hve hátt lán hægt er að fá miðað við 20, 30 og 40 ára lánstíma
• Hve dýra íbúð er hægt að kaupa miðað við gefnar forsendur 

Mánaðarleg greiðslubyrði
Hægt er að reikna mánaðarlega greiðslubyrði miðað við hve hátt lán er tekið.

Stytting og lenging lána
Hægt er að reikna greiðslubyrði og vaxtabyrði lánsins fyrir og eftir lengingu eða styttingu.
Lán Íbúðalánasjóðs er hægt að stytta niður í 20 ár og lengja upp í 40 ár. Ekki er hægt að stytta lán með uppgreiðsluþóknun.

Samanburður lána / Yfirtaka
Hægt er að:

• Bera saman tvö lán með mismunandi lánstíma.
• Bera saman tvær lánasamsetningar t.d. samkvæmt söluyfirlitum tveggja íbúða.
• Bera saman eitt nýtt lán við það að taka nýtt lán og yfirtaka jafnframt eitt eða fleiri lán sem þegar hvíla á íbúð.

Lánin sem borin eru saman verða að vera jafnhá svo samanburðurinn verði raunhæfur.
Oft hvíla á íbúðum hagstæð lán með lágum vöxtum sem skynsamlegt getur verið að yfirtaka.
Hvorki þarf að greiða lántökugjöld né stimpilgjöld af eldri lánum.

Best er að velja lán og lánstíma þannig að vaxtabyrði sé sem minnst án þess að greiðslubyrði verði of þung. Þegar lagt er mat á greiðslubyrði er mikilvægt að skoða ekki eingöngu næstu 12 mánuði því einhver lán gætu verið uppgreidd á undan öðrum. Betra er því að bera saman meðalgreiðslu út allan lánstímann.
Niðurstöður útreikninga eru ekki skuldbindandi fyrir Íbúðalánasjóð. Forsendur útreikninganna byggjast á tilteknum einföldunum og eru því eingöngu til viðmiðunar.