Sömu kjör alls staðar á landinu
Réttur landsmanna til að taka lán hjá Íbúðalánasjóði er óháður búsetu. Eina skilyrðið er að eignin sem verið er að kaupa sé hér á landi. 

Fastir vextir út lánstímann
Hjá Íbúðalánasjóði er vöxtum þinglýst á eignina skv. skilmálum veðskuldabréfsins. Þeir haldast óbreyttir út lánstímann. 

Yfirtaka lána. Enginn lántökukostnaður
Hægt er að yfirtaka eldri lán Íbúðalánasjóðs á eignum og bæta við nýjum lánum ef þarf og veðrými leyfir. Þegar lán eru yfirtekin þarf ekki að greiða af þeim lántöku- og stimpilgjöld. Oft er hagstætt að yfirtaka eldri lán einkum ef kjör þess eru góð og liðið er á lánstímann. Ef áhvílandi lán Íbúðalánasjóðs eru hærri en  80% af söluverði er nýjum eiganda samt sem áður leyfilegt að yfirtaka lánin. Með reiknivélinni Samanburður lána/Yfirtaka er einfalt að bera saman lán og finna bestu lánasamsetninguna. Nánar um yfirtöku.

Ekki krafa um 1. veðrétt
Lán Íbúðalánasjóðs að viðbættum eftirstöðvum lána sem eru framar í veðröð mega ekki nema hærri upphæð en 20 milljónum króna, sem er hámarkslán Íbúðalánasjóðs. Dæmi: Ef yfirtekið væri lán á 1. veðrétti með eftirstöðvar 2 milljónir króna og tekið nýtt lán á 2. veðrétti að fjárhæð 3 milljónir gæti nýtt Íbúðalánasjóðslán til viðbótar verið 15 milljónir á 3. veðrétti.

Veðleyfi fyrir ný lán framfyrir eldri lán
Íbúðalánasjóður heimilar veðsetningu, án íbúðarkaupa, á undan flestum lánum sjóðsins. Nánar um veðleyfi án íbúðarkaupa sem er hluti af þjónustu eftir að lán er tekið.

Veðlánaflutningur að kostnaðarlausu
Íbúðalánasjóður getur heimilað veðflutning við eigendaskipti á íbúð að uppfylltum skilyrðum. Ekki þarf að greiða lántökukostnað og stimpilgjöld af veðlánaflutningi sem er hluti af þjónustu eftir að lán er tekið.

Úrræði vegna greiðsluerfiðleika/breyttra aðstæðna
Boðið er upp á úrræði ef til greiðsluerfiðleika kemur vegna ófyrirséðra atvika s.s. veikinda, atvinnumissis eða skertra tekna vegna náms. Hægt er að fresta greiðslum, lengja lán og fá skuldbreytingalán þar sem vanskilum er breytt í nýtt lán. Nánar um vanskil og greiðsluerfiðleika.